Abril 2012
Campamentos de Verán
O Concello de Narón abrirá o venres 27 de abril e ata o venres 1 de xuño o prazo de solicitude para participar nos Campamentos Deportivos 2012 da Deputación de A Coruña. Os interesados poderán obter a documentación e formalizar a solicitude no Rexistro Xeral do Concello de Narón, de luns a venres en horario de 8:30 a 13:30 horas, e os sábados de 9 a 13 horas. Tamén se pode obter información nas oficinas do Complexo Polideportivo Municipal de A Gándara, e na Oficina Municipal de Información Xuvenil (OMIX).
-
Imaxes con Fondo
O Fondo Galego de Cooperación e Solidariedade sorprende neste 2012 co concurso ‘Imaxes con Fondo’. O concurso é unha ferramenta para promover a reflexión e un cambio de actitude na cidadanía, apostando por condutas solidarias e respectuosas co entorno do planeta e coas persoas que nel habitan.
O Concello financia a súa parte correspondente das Escolas Infantis
A Comisión de Contratación, Persoal e Especial de Contas celebrada no Concello aprobou unha modificación de créditos pola cal se consigna unha partida de 337.000€ para o mantemento das Escolas Infantis Municipais durante o primeiro trimestre do curso 2012-2013 (de setembro a decembro). Estos cartos corresponden á financiación que aportará o Concello de Narón para o mantemento deste servizo, e que supoñen un terzo do total (os outros dos terzos se repartirían entre os usuarios e a Xunta de Galicia).
Aberta a convocatoria para os campos de traballo Verán 2012
Xa podedes consultar as novidades con respecto aos "Campos de Traballo 2012". Podedes consultalas na web "Acción de Verán 2012”: prazas ofertadas, condicións xerais, documentación a entregar, información e teléfonos...
Erasmus para mozos emprendedores
O Programa Erasmus para Mozos Emprendedores axuda aos aspirantes europeos a empresarios a adquirir as habilidades necesarias para crear e/ou dirixir con éxito unha pequena ou mediana empresa en Europa.
Os novos emprendedores adquiren e intercambian coñecementos e ideas de negocio con empresarios experimentados cos cales conviven e colaboran durante períodos de entre 1 e 6 meses. A estanza está parcialmente subvencionada pola Comisión Europea.
Vantaxes:
Concurso "Crea a túa banda deseñada"
Amigos e amigas de Narón temos unha boa oportunidade para participar nun concurso onde se valorarán as mellores bandas deseñadas. Só precisamos imaxinación e crear unha historia na nosa lingua e no marco xeográfico da Cidade da Cultura.
Poderemos concorrer ao concurso todas aquelas persoas de calquera nacionalidade que presenten os seus orixinais en lingua galega.
Concello de Narón
