O Concello de Narón e a Universidade de A Coruña (UDC) organizan, por segundo ano consecutivo, o “Curso de Socorrismo en Instalacións Acuáticas e en Espazos Acuáticos Naturais” cuxo prazo de preinscripción se abrirá do 1 ó 18 de febreiro de 2011. Está organizado polo Grupo de Investigación en Actividades Acuáticas e Socorrismo da Universidade de A Coruña e o Padroado de Deportes do Concello de Narón, baixo a coordinación do profesor José Palacios.

A Concelleira de Protección Civil de Narón, Mª del Mar Gómez, informou que o Concello de Narón solicitará unha subvención do Plan de Cooperación da Xunta de Galicia, de cara á contratación dunha cuadrilla de Protección Civil. Esta subvención foi convocada no Diario Oficial de Galicia (DOG) o pasado 17 de xaneiro de 2011, existindo un prazo dun mes para a presentación da correspondente solicitude.

Danza contemporánea, debuxo, bailes de salón, teatro, formación músico-instrumental, danza tradicional, gaita, percusión tradicional, zanfona, canto e pandeireta ou construción de instrumentos de percusión.

Este é un listado das actividades que podemos desenvolver a través das Escolas Culturais Municipais do Concello de Narón que xa contan cun alumnado que se aproxima ás 1.200 persoas o que supón un aumento de 200 persoas con respecto ao curso anterior.

O Concello de Narón acaba de abrir o prazo de inscrición para realizar os cursos de lingua galega preparatorios para a obtención dos títulos Celga 1, Celga 2, Celga 3 e Celga 4, expedidos pola Consellería de Educación e Ordenación Universitaria da Xunta de Galicia.

O único requisito para poder matricularse nestes cursos, de carácter gratuíto, é ser maior de 16 anos de idade.

Mocidade en acción é o programa creado para os e as mozas pola Unión Europea. O seu obxectivo é infundir o sentido de cidadanía europea activa, solidariedade e tolerancia entre a mocidade europea, así como implicarlles á hora de modelar o futuro da Unión. Este programa promove a mobilidade dentro e fóra dos límites da UE, a aprendizaxe non formal e o diálogo intercultural e tamén fomenta a inclusión de todos/as os e as novas, independentemente do contexto educativo, social e cultural do que procedan: Mocidade en acción é un Programa para todas e todos!

O Alcalde de Narón, José Manuel Blanco,  informó das cifras rexistradas polo Padroado de Cultura do Concello de Narón durante o ano 2010. Os datos falan por sí mesmos, xa que no ano pasado foron máis de 47.000 persoas as que participaron nos diferentes espectáculos promovidos polo concello, e outras 25.201 persoas asistiron como público ós espectáculos con taquilla.

Os rexedores dos concellos de Ferrol (Vicente Irisarri), Narón (José Manuel Blanco) e Valdoviño (Isabel Alvarez), presentaron en rolda de prensa o proxecto denominado “Senda Litoral da Costa Artabra. Tramo: Santa Comba-Campelo”.

O Concello de Narón permanecerá pechado ó público o vindeiro venres 7 de xaneiro, coincidindo coa festividade local de Ferrol (San Xiao) e coa proximidade da fin de semana, e do 6 de Xaneiro, festivo nacional.

Coma excepción, funcionará o Rexistro Xeral do Concello o día 7 de Xaneiro en horario de 8:30 a 13:30 horas, para a entrega de documentación. O sábado 8 de Xaneiro, o Rexistro voltará a estar aberto como de costume en horario de 9:00 a 13:00 horas.

Un lipdub ou lip dub ("dobraxe de beizos") é un vídeo musical realizado por un grupo de persoas que sincronizan os seus beizos, xestos e movementos cunha canción popular ou calquera outra fonte musical. Adóitase realizar nunha soa toma (plano secuencia), na que os participantes fan playback mentres soa a música nun reprodutor móbil. Non importa a calidade do son da toma porque é na edición posterior cando se incorpora a canción como banda sonora. O feito de que se trate dunha plano secuencia fai moi fácil o proceso.