O Festival da Terra e da Lingua, que terá lugar hoxe e mañá na área recreativa de Pedroso, celebra este ano a súa décima edición cun programa no que destacan as actuacións musicais e as conferencias sobre o futuro do galego.

Os actos comezarán hoxe ás dez da noite cos concertos de música tradicional de grupos da comarca. BOJ, Maghúa e Estimaba que viñeras ofrecerán ritmos de folk galegos e algúns toques de Blues. Prevese que a zona de acampada comece a encherse desde primeira hora da mañá.

Obra Social Caixa Galicia e o Concello de Narón ofrecen o curso gratuíto “Como elaborar un plan de empresa”, con contidos prácticos relacionados coa creación de empresas e dirixido a persoas cunha idea de negocio ou que estean valorando a posibilidade de iniciar unha actividade de autoemprego e queiran valorar a súa viabilidade.

Xa está na rede o segundo número de Palmira e Marcial, odisea medioambiental. Na web do Proxecto Climántica de educación ambiental está dispoñible o segundo volume íntegro da serie Palmira e Marcial.

Este proxecto, con debuxo e guión de Fran Bueno, conta co apoio de Francisco Sóñora no argumento e idea orixinal e coa asesoría técnica de José Lires. O volume de quince páxinas continúa a revisión das causas do cambio climático a través do tempo.

A Concelleira de Deportes de Narón, Natalia Hermida, o presidente do clube Campomar, Luis Sierra, e a xerente do clube, Noelia Couce, presentaron  a IV Semana de Golf ‘Cidade de Narón’ que se desenvolve do 18 ao 27 de xuño no Campo de Golf de O Val. Trátase dun evento co cal se agarda atraer a numerosa xente ás instalacións do clube Campomar, que na actualidade contan cunha cifra aproximada de 390 socios.

A partir de agora a educación viaria é para os centros educativos de Narón unha materia tan importante como as matemáticas ou a lingua. Así quedou claro onte na firma dun convenio de colaboración entre o Concello e dez colexios públicos e concertados do municipio. En concreto, trátase da Solaina, Ayala, Virxe do Mar, A Gándara, Piñeiros, Santiago Apóstolo, Jorge Juan, O Feal, Ponche de Xuvia e o Colexio Rural Agrupado.

Todos os afeccionados que queiran dar a coñecer Galicia a través das súas fotografías poderán participar, ata o 15 de xuño, no concurso Galicia... como a ves?

As fotografías gañadoras neste certame servirán de referencia para a realización da creatividade dunha campaña turística que se desenvolverá entre os meses de xullo e agosto para promocionar o destino turístico de forma xeral entre os visitantes que se acheguen a Galicia, co obxectivo de
convidalos a descubrir ao noso país.

O Centro de Transfusión de Sangue de Galicia levará a cabo durante este mes de xuño unha campaña de doazón de sangue no municipio de Narón. O obxectivo es aumentar a cifra de doazóns que durante o ano 2009 víuse reducida nun 9% respecto ó ano anterior.